Раёсати корҳо
Вазифаҳо ва функсияҳои асосии Раёсати корҳо
Вазифаҳои асосии раёсат аз инҳо иборатанд:
Назорати иҷрои саривақтии фармону супоришҳои Президенти Ҷумҳурии Тоҷикистон, қарорҳои Ҳукумати Ҷумҳурии Тоҷикистон, қарору супоришҳои рохбарияти Кумитаи давлатӣ ва қарорҳои ҳайати мушовара аз тарафи раёсатҳо, шӯъбаю бахшҳои дастгоҳи марказӣ, кумитаҳои идораи замини шаҳру ноҳияҳои ҷумҳурӣ ва корхонаҳои тобеъ.
Қабул, бақайдгирӣ ва ирсоли муросилоти воридшаванда ва содиротӣ.
Расонидани кӯмакӣ амалӣ-методӣ оид ба коргузорӣ ва ҳуҷҷатнигорӣ ба кумитаҳои идораи замини вилоятҳо, шаҳру ноҳияҳои ҷумҳурӣ ва корхонаҳои тобеъ.
Назорати иҷрои аризаву муроҷиатҳои шаҳрвандон мутобиқи Қонуни Ҷумҳурии Тоҷикистон «Дар бораи муроҷиатҳои шаҳрвандон».
Таъмини раёсату шӯъбаҳо бо лавозимоти моддӣ-техникӣ ва нақлиётӣ дар асоси дархостҳо ва супориши роҳбарият.
Омода намудани маърӯзаҳо, ҳисоботи роҳбари мақоми давлатӣ ва масъалаҳои муҳокимашаванда дар маҷлисҳои ҳайати мушовара ва дигар ҷамъомаду чорабиниҳо.
Тибқи тартиби муқарраргардида ташкил намудани ҳуҷҷатгузорӣ ба расмият даровардани санадҳо, инчунин расонидани дастуру супоришҳои роҳбарияти Кумитаи давлатӣ ба иҷрокунандагон ва шахсони мансабдорӣ масъул, назорати иҷрои онҳо.
Тибқи тартиби муқарраргардида таҳия ва барои тасдиқ ба раиси Кумитаи давлатӣ пешниҳод намудани нақшаҳои кори (фаъолияти) солона, нимсола, нӯҳмоҳа ва семоҳа.
Таҳлил ва ҷамъбасти нишондиҳандаҳои рушди иҷтимоию иқтисодии соҳа.
Мусоидат барои ташкилу баргузории чорабиниҳои дахлдори соҳа.
Омода ва пешниҳоди маълумот ва ҳисоботу гузоришҳо ба роҳбарияти Кумитаи давлатӣ.
Назорати риояи тозагӣ дар бинои Кумитаи давлатӣ.