БАРРАСИИ РУШДИ ҲАМКОРИҲО БО НАМОЯНДАГОНИ ДАФТАРИ АГЕНТИИ РУШДИ БАЙНАЛМИЛАЛИИ ИЁЛОТИ МУТТАҲИДАИ АМЕРИКА ДАР ТОҶИКИСТОН

Раиси Кумитаи давлатии идораи замин ва геодезии Ҷумҳурии Тоҷикистон Хоҷазода Ориф Ашӯрӣ бо иҷрокунандаи вазифаи мудири иҷроияи Дафтари Агентии рушди байналмилалии Иёлоти Муттаҳидаи Америка дар Тоҷикистон ҷаноби Кит Симмонс мулоқот ва рушди минбаъдаҳои ҳамкориро дар соҳаи заминсозӣ муҳокима намуданд.

Нахуст Хоҷазода Ориф Ашӯрӣ ҷаноби Кит Симмонс ва ҳайати ҳамроҳонашро ба Кумитаи давлатӣ хайрамақдам намуда, таъкид дошт, ки роҳбарияти Кумитаи давлатии идораи замин ва геодезӣ аз ташрифи меҳмонон хушнуд буда, ба натиҷаҳои мулоқоти имрӯза, ки барои ҳарду ҷониб судманд хоҳад буд, аҳамияти махсус зоҳир менамояд.

Зикр гардид, ки бо дастгирии лоиҳаи рушди байналмилалии Агентии Иёлоти Америка (ЮСАИД) Кумитаи давлатӣ ва Корхонаи воҳиди давлатии «Бақайдгирии молу мулки ғайриманқул» дар амалӣ намудани самтҳои ислоҳоти замин корҳои муайянро ба сомон расонида, ҳамкорӣ бо ин созмон идома дорад.

Дар навбати худ ҷаноби Кит Симмонс барои қабули самимӣ ба роҳбарияти Кумитаи давлатӣ изҳори миннатдорӣ намуда, таъкид дошт, ки Дафтари Агентии рушди байналмилалии Иёлоти Муттаҳидаи Америка дар Тоҷикистон низ ҷонибдорӣ тавсеаи ҳамкориҳои барои ҳардуҷониб судманд аст.

Ҳамчунин дар мулоқот ҷонибҳо доир ба дигар масъалаҳои мавриди таваҷҷуҳи тарафҳо гуфтугӯ намуда, минбаъд низ татбиқи лоиҳаҳои мухталифро дар кишвар амалӣ хоҳад намуд.