Ифтитоҳи бинои Кумитаи идораи замин ва КДФ «Молу мулки ғайриманқул» дар ноҳияи Муъминобод

http://www.zoofirma.ru/

IMG 7696

Бинои нави Кумитаи идораи замин ва геодезӣ дар ноҳияи Мӯъминободи вилояти Хатлон, ки бахшида ба 28-солагии Истиқлолияти давлатӣ бунёд гардида, дар рӯзҳои боздиди кории Асосгузори сулҳу ваҳадати миллӣ-Пешвои миллат, Президенти Ҷумҳурии Тоҷикистон муҳтарам Эмолмалӣ Раҳмон ба шаҳру ноҳияҳои вилояти Хатлон мавриди баҳрабардорӣ қарор гирифт, шароити мусоиди кориро барои кормандони ин ниҳод фароҳам сохт.

Бинои мазкур аз ду ошиёна иборат буда, бо харҷи беш аз 600 ҳазор сомонӣ дар зарфи 11 моҳ бо сифати баланд сохта мавриди баҳрабардорӣ қарор дода шуд.

Дар расми ифтитоҳи иншооти мазкур роҳбарияти вилояти Хатлон, ноҳияи Мӯъминобод ва Раиси Кумитаи давлатии идораи замин ва геодезии Ҷумҳурии Тоҷикистон Хоҷазода Ориф Ашӯрӣ иштирок намуданд.

Тавре таъкид шуд ҷиҳати самаранок истифода кардани заминҳо дар доираи ислоҳоти соҳа ва таҷдиди хоҷагиҳои деҳконӣ дар ноҳияи Мӯъминобод тадбирҳои судманд роҳандозӣ гардида, Кумитаи идораи замин дар самти қонунигардонии истифодаи замин, мақсаднок истифода кардани майдонҳои кишт ва пешгирӣ аз ҳолатҳои дурр мондани заминҳо аз кишт ва ғайримақсаднок истифода шудани заминҳои корам низ талош ба харҷ медиҳад.

Дар бинои нав 10 утоқи кори муҷаҳҳаз бо таҷҳизоти зарурӣ, 1 маҷлисгоҳ ва утоқи бақайдгирии давлатӣ мавҷуд буда, вазъи хизматраосниро ба аҳолӣ беҳтар намудааст.

Акнун кормандони ин ниҳоди давлатӣ метавонанд бемушкилӣ пай кору фаъолият шаванд.

IMG 7779